今日啱啱开始咗第二个学期
六点钟起身上咗堂八点嘅课
原本应该到十一点嘅
不过十点左右就上完啦
之后就返屋企继续训
真係好鬼死攰
上堂个阵都忍唔住无避忌咁低头瞌咗阵
老师对唔住
不过我谂你年中都见过唔少好似我咁嘅学生
所以应该都唔会care
应真要教番好自己嘅生理时钟
再咁样半夜先来训
迟早英年早逝
训咗一轮就起身食饭睇我最近先至迷上嘅韩国综艺节目
点知睇到一半
细佬放学返来话要搞电脑
所以我不可以抢晒D线
之后我就落楼弹下琴
弹弹下又无乜心机弹落去
就係张沙发度榄下
转台转到手指酸都转无到啱心水嘅节目
就咁又係张沙发度训到晚饭时间
起身吃完饭之后又开始转台
终于揿到部啱feel嘅电影
好似都重播咗好多次
不过我都没正式睇过
我睇紧个阵
屋企人一直问我点解睇过又睇
大佬啊
你地睇过唔代表我一定睇过嘎
细佬仲成个非洲和尚咁
即係黑人憎咁解
係度不断讲剧情
搞到我最终都忍唔住叫佢收声
部电影叫做很想和你在一起
男主角係唱洪卓立个傻瓜
唔好意思
我係话唱傻瓜个洪卓立
部戏叻我都无成部睇晒
因为开始咗一段仔我先至转到个台
又因为婆婆一直insist点解我仲唔转台
所以最尾个五分钟我都无睇落去
不过我谂个结局应该都唔係happy ending
所以都无谓睇落去啦
盏越睇越伤心
我真係好仆街
细佬响度
我仲睇到眼湿湿
直情罗爆啊
个剧情讲到
恩
你未睇而又想睇嘅话
就到此为止唔好读落去啦
个剧情大概係讲紧
一对男女成日斗来斗去
但係其实个男仔早就中意咗个女仔
个女仔想参加摄影比赛
佢就同个女仔打赌睇最尾边个赢
之后个女仔生日前一个礼拜
佢就同个女仔讲唔好再斗啦
佢话想同个女仔拍拖
仲邀请个女仔下个礼拜参加一个佢係canteen举办嘅party
个女仔其实都中意佢嘅
就应承咗会出席
party个日呢
个男仔准备咗份礼物送俾个女仔
但係趁佢行开个阵
个男仔嘅同父异母恋哥情节阻住地球转仆街阿妹
就同个女仔讲话自己係个男仔嘅女朋友
仲话今日之后佢地就会一起出国读书
到个男仔拿住份礼物出来想送俾个女仔个阵
个女仔以为自己俾人玩所以就好恼咁走咗去
之后个男仔就去咗加拿大读书
搞唔成嘅生日party之后呢
个女仔嘅男性朋友就将份佢个日无睇到嘅礼物交俾佢
打开之后个女仔先至发觉原来个男仔一早就中意咗自己
个礼物盒入边装住好多平时佢地斗影相时个男仔係侧边偷影佢嘅相
个女仔就哽係觉得好遗憾啦
不过个男仔去加拿大一去就係四年
中间都无同个女仔再联络过
四年之后嘅同学会
个女仔係学校度终于再见番个男仔
个男仔仲係好中意佢
所以佢地就係埋一起
有一日个女仔就带个男仔返去佢打紧工间影楼度
仲同上边我提过个男性朋友介绍身边哩个就係当日个男仔
朋友觉得好奇怪
因为个影楼除咗佢地根本就无其他人
之后个朋友就上网check资料
发现个男仔係同学会个日就係加拿大出咗意外死咗
根本无可能会係香港出现
个女仔哽係唔信啦
于是佢就去番个日同个男仔去过间便利店度问个店员
个店员就话个日净係见到个女仔好奇怪咁係度自言自语
之后个女仔就即场精神崩溃
有一日个男仔嘅阿妈係个男仔嘅手上发现咗张字条
张字条係个女仔写俾个男仔嘅
个男仔嘅啊妈都唔知点解个男仔手上会有张咁嘅字条
就打电话俾个女仔同佢讲呢件事
个女仔先至知道原来係意外发生后个男仔嘅灵魂返来揾佢
佢就继续咁同个男仔嘅灵魂拍拖
不过个个人都当佢精神失常
因为除咗佢之外
无人见到个男仔
个女仔嘅啊爸都尝试接受佢地 嘅人鬼恋
不过始终都无办法适应
个男仔终于都觉得佢地两个唔应该咁自私
所以就同个女仔分开咗
之后个女仔就开始食精神科医生开嘅药
仲同上边提到过个朋友係埋一起
不过就仲未放底个男仔
之后点我就唔知啦
因为我被逼转台
迟D会上网睇多次
如果俾着我
我谂我都会唔顾身边嘅人
同深爱嘅人个鬼魂拍拖
就算个鬼魂係幻觉都好
係埋一起咁开心
醒番面对现实做咩窝
我知你实觉得我好任性嘎
但係你唔係我你係唔会明白嘎啦
我真係有努力过嘎
我知我成日应承自己应承你但係又做唔到
对唔住啊
我都唔想嘎
有时真係想砰一声咁霖低
醒番之后就咩都唔记得
咁我就唔晒好似而家咁辛苦
成日咁写法
我都惊你地会以为我有抑郁症
但係我没事啵
我写完就会无事嘎
唔好睇唔起我
我知我无用
亦都知我执著
我知我好矛盾
一时话想失忆
一时又话不想忘记
你地唔明白唔紧要
可不可以唔好当我痴线
多谢老表拾不时关心下我
同埋老婆我知你都顶唔顺我嘎啦
我知我烦
我都唔想你地担心
我尽力啦好唔好
Comments
Post a Comment